Walnut Or Akhrot Benefits in Urdu

ایک نئی تحقیق سے سامنے آیا ہے کہ کھانا کھانے کے بعد اخروٹ کھانے سے خوراک میں شامل مضر صحت چکنائی کا اثر کم ہو جاتا ہے چکنی خوراک شریانوں کو نقصان پہنچا سکتی ہے اور اخروٹ کھانے سے یہ نقصان کافی حد تک کم ہو جاتا ہے ۔
سائنسدانوں کا خیال ہے کہ اخروٹ میں ایسے مادّے پائے جاتے ہیں جو شریانوں کے چکنائی جمع کرنے کی صلاحیت کو کم کر دیتے ہیں ۔
بارسلونا کے ایک ہسپتال کے ماہرین نے کہا ہے کہ ہر فرد کو روزآنہ 28 گرام اخروٹ کھانے چاہئیں ۔ یہ تحقیق امریکہ کے جرنل آف کارڈیالوجی میں شائع ہوئی ہے اور اس میں کہا گیا ہے کہ اخروٹ صحت کے لیئے زیتون سے بھی زیادہ مفید ہیں ۔
اس تحقیق کے سربراہ ڈاکٹر ایمیلوروز کا کہنا ہے کہ چکنی خوراک کھانے سے چکنائی شریانوں کے اندرونی حصّوں میں جمع ہوتی رہتی ہے اخروٹ میں ایک ایسا امینو ایسڈ پایا جاتا ہے جس سے نائٹرک آکسائیڈ پیدا ہوتا ہے جو شریانوں کو لچکدار رکھنے میں مدد دیتا ہے ۔ ( کوئی بھی علاج شروع کرنے سے پہلے معالج سے مشورہ ضرور کر لیں )